Яшел Үзән

– Хезмәт хакы яшәү минимумыннан кимрәк була аламы?

– Прокуратурадан безгә хәбәр итүләренчә, 2019 елның 27 декабрендә Россия Федерациясе Президенты «Хезмәткә түләүнең минималь күләме турында» федераль законның 1нче маддәсенә үзгәреш кертү хакында» 463-ФЗ номерлы федераль законга кул куйды.

Россия Федерациясе Хезмәт Кодексының 133нче маддәсе нигезендә, хезмәт өчен түләүнең минималь күләме Россия Федерациясенең берүк вакытта бөтен территориясендә федераль закон белән билгеләнә һәм хезмәткә яраклы халыкның яшәү минимумы күләменнән ким була алмый.
463-ФЗ номерлы федераль закон нигезендә, 2020 елның 1 гыйнварыннан хезмәт хакының минималь күләме аена 12 130 сум билгеләнде. Элегрәк минималь хезмәт хакы аена 11 280 сум тәшкил итә иде.

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: