24 марттан 1 апрельгә кадәр Венгриянең Будапешт шәһәрендә ветераннар арасында җиңел атлетика буенча дөнья чемпионаты булды. Татарстан вәкиле 85 яшьлек Әхмәт Сираҗиев өч тапкыр чемпионат җиңүчесе булды.

85-89 яшьлекләр арасында Әхмәт Гыйрьфан улы 8 км, 3 км һәм 1500 м араларда җиңүче булып, пьедесталга өч тапкыр күтәрелде.

Якташыбызны шушындый зур уңышы белән кайнар котлыйбыз һәм яңадан-яңа үрләр яулавын телибез.

Рәсемдә: Әхмәт Сираҗиев туган ягында еш кунак була. Биредә ул Изге Касыйм чишмәсе буенда журналист Гүзәл Минһаҗева белән.