Яшел Үзән

Ялгызлар язмышы – ятимнәр сагышы

Авылыбызда «Ялгызлар язмышы - ятимнәр сагышы» дип исемләнгән кичә уздырдык. «Әти» сүзен әйтеп үсмәдек без, Белмим аннан авыр ни барны. Боекканда җыелып укый идек, Әткәбездән килгән хатларны. Кичә Ф.Яруллинның «Әткәм төсе тыныч көннәрдә» шигыре белән башланып китте. Әйе, сугыш җиле кагылып, әтисез калган меңләгән ятимнәрдән бу көннәргә аның санаулысы гына...

Авылыбызда «Ялгызлар язмышы - ятимнәр сагышы» дип исемләнгән кичә уздырдык.
«Әти» сүзен әйтеп үсмәдек без,
Белмим аннан авыр ни барны.
Боекканда җыелып укый идек,
Әткәбездән килгән хатларны.
Кичә Ф.Яруллинның «Әткәм төсе тыныч көннәрдә» шигыре белән башланып китте.
Әйе, сугыш җиле кагылып, әтисез калган меңләгән ятимнәрдән бу көннәргә аның санаулысы гына калды. «Ялгызлар язмышы - ятимнәр сагышы» дип исемләнгән кичәбезне без нәкъ шундый язмышлы: әтиләренең ниндилеген, төс-битен белмәгән, аның кул җылысын тоеп үсмәгән, «кызым» дип әйтүен хәтерләмәгән, үзләре авыз тутырып «әти» дип әйтергә тилмергән ятимнәргә багышларга булдык. Алай гына да түгел, ә иң үкенечлесе шул: әниләренең язмышлары аларның балаларында кабатлануы, тыныч тормышта да ялгызлык, ятимлек сынавына дучар булу күңелне әрнетә, күзләрне яшьләндерә.
Кичәбезнең геройлары, шундый гыйбрәтле язмышлы толлар, хөрмәтле кунаклары - сугыш чоры балалары, әтиләрен сугыш тартып алган ятимнәр - Шиһапова Әминә, Имамова Наилә апалар, авылыбызның иң өлкән кешесе Билалова Разия апа, 40 яшендә тол калган Шиһапова Гадилә апа, 4 баланы ялгыз үстергән Мохтарова Сания апа, үзенең ике ятименә тагын ике ятимне кушып тәрбия кылган Сибгатуллина Сания. Улларының ятимнәрен үз балаларыннан артык күреп үстергән Гарәфиева Мәүлия апаларның гаиләсе һәм яшьли сөйгәнен югалтып, ике кызчыгын үстереп яткан Фидаил Насыйбуллин.
Кичәдә күз яшьләре аша әйтелгән җылы рәхмәт сүзләре, матур теләкләр, чәчәк бәйләмнәре бик күп булды. Тамашачы да үзләренең авылдашларына хөрмәт белән карап, өч сәгать барган кичәдә шулар белән куанып, язмышларын үзләре аша кичереп, күз яшьләрен тыя алмадылар. Кичә мәктәпнең якты, чиста залында үтүе җылы атмосфера тудыруга сәбәп булгандыр. Мондый мөмкинлек тудырып, булышканы өчен Карагуҗа мәктәбе директоры Зарипова Земфира Юныс кызына рәхмәтебез чиксез. Кичәбезнең темасына туры китереп, матур җырларын бүләк иткән Р.Вахитова, А.Заһидуллина, Н.Зиннәтуллин, Р.Сабирова, А.Гыйбадуллин, баянчыбыз И.Зәйнуллин, һәр яклап ярдәм итеп музыкаль бизәлешне, үзенең җырын бүләк итүче З.Мохтарова, гаилә альбомы итеп эшләнгән электрон презентацияне күрсәтеп, бәйрәмгә ямь өстәгән Р.Шакировага да тамашачылар һәм үзебез исеменнән рәхмәтебезне юллыйбыз. Чакырылган кунакларга истәлекле бүләкләр җирле үзидарә башлыгы Шакиров Марат Госман улының матди ярдәме белән тапшырылды.
«Әйе, һәркемнең күңелендә читләр түгел, ә бәлки, үзе дә кузгатырга теләмәгән серләре, сагышлары бар. Әгәр бу кичә барышында сезнең күңелегезнең серләренә саксыз кагылып, мәңге тезәлмәслек ачы яраларны кузгалткан булсак, кичерегез... - дип сүзен төгәлләде кичәнең идея авторы, алып баручы А.Хөснетдинова.
Их, язмышларны үзең теләгәнчә ясап, яисә төзәтеп булса, җир йөзендә ятимнәр дә, толлар да булмас иде. Тормыш адәм баласы теләгәнчә генә барса иде. Юк шул, Ходай аларга язмыш сынауларын гел кичереп торырга язган, күрәсең. Әмма алар яшәгән гомернең дә аяз, матур көннәре шактый була. Тыныч гомер кичереп, тигезләктә дөньяның авыр йөген бергә күтәргәннәр алдында сезнең кимсенерлегегез юк, хөрмәтле авылдашларым, һәрберегезнең тормышы мул, төзек, балаларыгыз игелекле, димәк, сез тулы гаиләлеләрдән ким яшәмәдегез һәм яшәмисез. Бу кичә барышында авылдашларыгыз да, без дә моңа тагын бер кат инандык. Кеше кайгысына битараф булмыйк, яныбызда яшәгән ялгызларны, толларны авыр сүзләр, начар гамәлләр белән рәнҗетми яшәсәк иде.
Кошларның да пары бар,
Төннәрнең дә таңы бар;
Миһербансыз кыланмагыз,
Толларның да җаны бар.
Дания Җиһаншина.
Олы Карагуҗа

Теги: 250
Нравится
Поделиться:
Реклама
Комментарии (0)
Реклама
  • 23 октября 2017 - 14:24
    Защити себя!
  • Тормышыгызда нәрсәләрне үзгәртер идегез?
    Проголосовало 38 человек
  • Яшел Үзән – Җиңү язы һәркем күңеленә яшәү дәрте, рухи көч өсти
  • Мин авылны сайлыйм!
  • «Ашыгырга ярамый, без бит балаларны йөртәбез!»
  • Яшел Үзәндә төрле милләт балалары татар телендә шигырьләр укыды
  • «Дуслар чабышы» Маяк спорт комплексында узды
  • Бакырчыда Мәүлид бәйрәме
  • Яшел Үзән пассажир автотранспорт предприятиясендә ничек бәйрәм иттеләр?
  • Авыр атлетлар кабат Яшел Үзәндә
  • Бакырчыда каз өмәсе
  • Яшел Үзән полициясе бәйрәм итте (ФОТОРЕПОРТАЖ)
  • 8 мая 2018 - 10:44
    Сатам Авылда йорт сатам.
  • 8 мая 2018 - 10:27
    Сатам ЖБИ-кольца, брусчатка заводского производства.
  • 20 марта 2018 - 15:31
    Игътибар! Түбән Урысбага авыл җирлегенә сәркатип кирәк.
  • 19 мая 2018 - 08:02
    ЧӘЧҮ БЫЕЛ АВЫР БАРА Аграр ел, уңыш җыеп алу белән көзен тәмамлана һәм кырларга беренче трактор керерлек булгач, язын кабат башлана.
    224
    0
    0
  • 18 мая 2018 - 07:21
    "Иң яхшы ишегалды" җәйге фотоконкурс старт ала Үзегезнең өй яны тирәсеннән фотоларыгызны җибәрегез.
    206
    0
    1
  • 21 мая 2018 - 08:35
    Яшел Үзәндә Сабан туе кайчан була? Татар халкының милли сабан туе Яшел Үзәндә 16 июньдә уздырылачак.
    136
    0
    0
  • 19 мая 2018 - 15:05
    Рәхмәт хаты Бакырчы авылында туып, хәзерге вакытта шушы авылда яшәүче, кадерле туганым, укытучым Рәхимулла кызы Рәйханә апа Зәйнуллинаның яңа гына табадан төшкән «Мин көзләргә гашыйк» һәм «Бакырчымда таңнар ата» дигән китапларын укып чыктым.
    118
    0
    1
  • 19 мая 2018 - 13:59
    Күчмә Кубок кемнәр кулында? Бөтендөнья бию көне уңаеннан Норлат мәдәният йортында зур бию бәйрәме булды: 23 авыл Күчмә кубокны алу өчен көч сынашты.
    108
    0
    0
  • 21 мая 2018 - 09:24
    Эш урыннарын бушаттылар ЯҮМР депутатлары сессиясендә Яшел Үзән муниципаль район башлыгы урынбасары Фоат Шәмсиевнең үз теләге белән эшеннән китүе билгеле булды.
    99
    0
    1
  • 19 мая 2018 - 18:36
    Ачыктан-ачык: Илназ Гариповка әти булырга тәкъдим ясаганнар Популяр җырчы Илназ Гарипов белән соңгы арада әллә нинди хәлләр булып тора. Төрмәдә дә утырып чыкты, концертына памперслар да алып килделәр.
    97
    0
    0
  • 19 мая 2018 - 17:21
    «Хәзер ботымны кисеп бирәм!» дигәч, әнине кочып еладык Миңа 10 яшь. Кояшлы матур җәйге көн. Бөтен кеше бәйрәмгә, Сабан туена әзерләнә. Без, балалар да, матур күлмәкләр, яулыкларны хәзерлибез. Кинәт коточкыч хәбәр – сугыш. Аяз көнне яшен суккандай булды. Аптырау, елау... Менә шуннан башланды мәхшәр.
    96
    0
    1
Ночной режим