Яшел Үзән

Кемнең кем икәнлеге авырлык килгәч беленә

Бу тормышта Аллаһ Тәгалә безгә ниләр күрергә язганын беркем дә белми. Әмма без Ходай биргән һәр бәла-казага әзер булып торырга тиеш. Бу - тормыш кануны. 9 Май иртәсендә без дә, Бөек Җиңү бәйрәмен каршылап, һәйкәл янына чәчәкләр куярга барыр­быз дип уйлаган идек. Әмма бу иртә безгә куркыныч хәбәр алып килде....

Бу тормышта Аллаһ Тәгалә безгә ниләр күрергә язганын беркем дә белми. Әмма без Ходай биргән һәр бәла-казага әзер булып торырга тиеш. Бу - тормыш кануны.
9 Май иртәсендә без дә, Бөек Җиңү бәйрәмен каршылап, һәйкәл янына чәчәкләр куярга барыр­быз дип уйлаган идек. Әмма бу иртә безгә куркыныч хәбәр алып килде. Иртәнге сәгать биштә «Янгын! Күршеләрегез яна!», дигән тавышка куркып уянып чыкканда, Сания апаларның абзарлары ялкын эчендә иде. Бер мизгелдә, ни эшләргә белми, аптырап, катып калдык, баш нинди фикергә дә килә алмый. Урамда чабып йөрүче бер-ике кеше күршеләребезне уятырга тырыша. Без дә шул арада үзебезнең йортыбыз өчен курка төштек, чөнки йортларыбыз янәшә терәлеп ук тора диярлек. Бакча ягыннан кереп, мин дә тәрәзәгә шакып карадым, күршеләрем, өй эчендә каушап, ни эшләргә белми аптырап йөриләр. Ул арада, урам як тәрәзәне ватып, аларны чыгардылар, кайбер әйберләрен дә алып чыга алдылар. Бу вакытта ут чоланга капкан иде инде. Безгә дә тизрәк хайваннарны, кош-кортларны чыгарырга, балаларны йокыларыннан уятырга, йорттагы җиһазларны ташырга кирәк иде. Бу эшләрне ничек, ни рәвешле эшләгәнебез хәтердә түгел. Курку белән ничек итеп хайваннарны чыгарганым да, йорттан әйберләрне ташыганыбыз да истә калмаган. Шул вакытта халык та бик тиз җыела башлады, янгын сүндерү машинасы белән Кадыйров Әнвәр абый да килеп җитте. Бу мизгелдә ут күршеләребезнең йортына күчкән иде инде.
Безнең йорттагы әйберләрне халык бик тиз ташып бетерде, чөнки сараебызга ут кабу куркынычы яный иде. Мин менә шушы урында авылыбызның халкына мең-мең рәхмәт әйтәсем килә. Бер кешенең кайгысы бөтен авыл халкының кайгысына әверелде. Күршеләребезнең йортын инде саклап калып булмагач, безне сакларга тырышулары, кем ничек һәм кайдан булдыра ала су ташулары, үз гомерләрен куркыныч астына куеп, ут белән көрәшүләре зур батырлык иде. Бигрәк тә, бәйрәм вакыты булганга, яшьләрнең күп булулары да зур ярдәм булды. Бу яшьләргә Аллаһ Тәгаләнең рәхмәте булса иде. Менә шул вакытта, инде ут безгә дә күчә дип торганда, җилнең икенче якка таба авышып, ут икенче бер йортка күчте. Заманында гөрләп торган Гайнетдинов Юныс абыйларның йортына. Бүген аны Юдиннар гаиләсе сатып алган иде. Бу көнне йортта кеше юк иде. Шулай ук бу йортны да коткарып кала алмадылар, гәрчә бу вакытта Норлат, Свияжск янгын сүндерү машиналары килгән булса да.
Бу куркыныч вакыйгаларны кабат искә төшереп язасы бик авыр булса да, авылыбыз халкының батырлыгына, бердәмлегенә сокланып, рәхмәт әйтми мөмкин түгел. Аерым рәхмәтемне янгын сүндерү машинасын карап, аны төзек хәлдә тотучы, бик тиз һәм вакытында янгын урынына килеп җиткән Кадыйров Әнвәр абыйга җиткерәсе килә. Аллаһ Тәгалә исәнлекләрен бирсен аңа. Үз көче белән бушка төзек булмаган машинаны кулланырлык хәлгә китергән Әнвәр абый - дөнья бәясе кеше. Бу көннәрдә минем Әнвәр абыйга булган ихтирамым тагын да ныграк артты. Янгыннан соң да, ничә көн килеп, пыскып яткан кисәү башларын сүндереп йөрде ул. Шул ук вакытта авыл җирлеге башлыгы Равил Кадыйровның да алдан күрүчәнлеге, үз эшенә җаваплы каравы аркасында, оператив рәвештә алдагы көндә халыктан янгын сүндерү машинасын ягулык белән тутыру өчен акча җыйнавы үзе бер могҗиза. Равил абыйга да чиксез рәхмәт. Әгәр ул шулай эшләмәгән булса, халыктан акча җыйналмаган булса, нәрсә булыр иде икән?
Авылдашлар, янгын беребезгә дә алдан кисәтеп килми. Кайчан һәм кемдә чыгасын бер Аллаһ Тәгалә генә белә. Шуңа да «сакланганны саклармын» дип Аллаһ Тәгалә безгә сакланырга куша. Шушы янгын сүндерү машинасын тоту безнең өстә, авылдашлар. Рәхмәт Әнвәр Миңнуллинга, ул әле үзеннән шушы машинаны тоту өчен матди ярдәмен биреп тора. Без бу машинаны тотарга тиешбез, әле икенче «Урал» янгын сүндерү машинасы да төзек түгел, аны төзәтү өчен дә күпме чыгым кирәк. Моның өчен бездән ярдәм кирәк, чөнки, ил төкерсә, күл була, дигәндәй, без һәрвакытта да бердәм, тату булырга, бер-беребезгә ярдәмләшеп торырга тиешбез.
Аллаһ Тәгалә шушы янгын сүндерү вакытында тырышып йөргән барлык хатын-кызларга, ир-егетләргә, безгә ярдәм иткән һәрбарча авылдашларга, үзенең рәхмәтен бирсә иде. Берегезгә дә мондый хәсрәт килмәсен. Күршеләребез Яруллиннар гаиләсе исеменнән дә барыгызга зур рәхмәт. Янгын калдык­ларын җыйнауда да авылның бик күп ир-егетләре катнашты. Аларга да чиксез рәхмәт. Аллаһ Тәгалә Яруллиннар һәм Юдиннар гаиләсенә сабырлык бирсен. Бу афәтнең авырлыгын бары үз җилкәсе аша үткәргән кеше генә аңлый. Шуңа да аларга без, бары сабырлык һәм түземлек кенә теләп, кулдан килгәнчә матди яктан ярдәм итик. Бер сәдака - мең бәладән коткара, дигән гыйбарәне онытмыйк. Бу дөньяда без кунак кына булуыбызны һәрвакыт истә тотыйк!
Марат Гатиятуллин.
Олы Ачасыр

Нравится
Поделиться:
Реклама
Комментарии (0)
  • 23 февраля 2018 в 20:15
    Концертларга рәхим итегез! Бу көннәрдә республика районнарында Татарстанның сәнгать йолдызлары, танылган җырчылар, бию коллективлары халыкка концерт күрсәтә.
    32
    0
    0
  • 23 февраля 2018 в 16:44
    Белә идегезме? • 23 февраль көне Кызыл Армия оешкан дата итеп очраклы алына. Чынлыкта аның декретына яңа стиль белән 28 гыйнварда кул куела.
    23
    0
    0
  • 23 февраля 2018 в 14:28
    Аякны юрганга карап суза торган вакыт Күгәйдә тырыш, эшчән һәм киләчәкне алдан күреп яши торган халык гомер итә. Йорт-җирләре төзек һәм чиста. Кышын да шулай, җәен дә. Һәр йортта мул итеп мал-туарын асрыйлар, чебешен үрчетәләр, бакчаларын гөлбакча итеп тоталар. Шулай ук аларга бердәмлек тә хас. Чөнки нинди чуалчык үзгәртеп корулар чорында да алар үз хуҗалыкларын саклап калу өчен нык торды.
    106
    0
    1
  • 23 февраля 2018 в 12:01
    «Майский» котлый үзегезне! Кадерле Ватанны саклаучылар! Хөрмәтле Бөек Ватан сугышы, Кораллы Көчләр ветераннары, сугышчы- интернационалистлар, илебезнең булачак сакчылары!
    38
    0
    0
  • 23 февраля 2018 в 10:17
    Район башлыгы яшел үзәнлеләрне бәйрәм белән тәбрикли! Кадерле яшел үзәнлеләр! Сезне чын күңелемнән Ватанны саклаучылар көне белән тәбрик итәм!
    44
    0
    0
  • 23 февраля 2018 в 08:52
    Ватанны саклау – һәркемнең изге бурычы Тагын ике көннән илебез Ватанны саклаучылар бәйрәмен билгеләп үтәчәк. Илне саклау ул – илнең иминлеген саклау, димәк, бүген ветераннар, хәрбиләр яки ил алдында изге бурычын үтәп кайтучылар гына түгел, тыныч тормышта Ватаныбыз куәтен арттыручылар бәйрәме дә, дип уйлыйбыз. Ә сезнең өчен ул нинди бәйрәм, кадерле укучылар? Менә шундый сорау белән кайберләрегезгә мөрәҗәгать иттек.
    87
    0
    0
  • 23 февраля 2018 в 07:30
    «А.М.Горький исемендәге Яшел Үзән заводы» директоры бәйрәм белән котлый! Хөрмәтле горькийлылар, яшел үзәнлеләр һәм шәһәребез кунаклары! Кадерле Хәрби Көчләр ветераннар!
    41
    0
    0
  • 22 февраля 2018 в 15:12
    Кисәтүләрсез штраф Газоннарда һәм балалар мәйданчыкларында машина куйган яшел үзәнлеләргә кисәтүләрсез генә штраф салыначак.
    68
    0
    0
  • 22 февраля 2018 в 14:08
    Васильевода укый да, ял да итә беләләр Мәктәп – белем учагы.Укыйбыз да, язабыз да, белем алабыз. Бәйрәмнәр дә үткәрәбез.
    120
    0
    0
  • 22 февраля 2018 в 11:12
    Туган тел көнен норлатлылар да билгеләп узды Сандугач теледәй моңлы, Чишмәдәй чиста телем!
    150
    0
    0
  • 22 февраля 2018 в 09:28
    Мәскәү салкыннары Татарстанга килә 23-28 февральдә Россия башкаласында уртача температура нормадан 7-12 градуска кимрәк булачак.
    81
    0
    0
  • 22 февраля 2018 в 08:54
    2017 елда Татарстан авылларында модульле 53 кибет төзелде Авылларны кибетләр белән тәэмин итү буенча республика программасы узган елдан тормышка ашырыла башлады.
    63
    0
    0
  • 22 февраля 2018 в 08:30
    Норлат әфганчыларны җыйды "Әфган-йөрәк ярасы"- ел саен унбишенче февральдә Совет сугышчыларының Әфганстан җиреннән чыгарылган искә алу, хәтер көнен, шулай дип, атасак дөресрәк булыр иде.
    250
    0
    0
  • 23 октября 2017 в 14:24
    Защити себя!
  • Бакырчыда Мәүлид бәйрәме
  • Яшел Үзән пассажир автотранспорт предприятиясендә ничек бәйрәм иттеләр?
  • Авыр атлетлар кабат Яшел Үзәндә
  • Бакырчыда каз өмәсе
  • Яшел Үзән полициясе бәйрәм итте (ФОТОРЕПОРТАЖ)
  • Газовикларның риск зонасына васильеволылар да эләгә
  • Безнең кораблар Гарәп диңгезен иңли башлады
  • Маякта йозлэгэн казый жыелды. Нэрсэ булган???
  • МЕТЕОРда балалар өчен оештырылган ярыш
  • Юныс Сафиуллин белән очрашу кичәсе
  • 22 февраля 2018 в 12:50
    Илебез иминлеген саклаучыларны хөрмәтләп – чәчәкләр
    Ватанны саклаучылар көне - дан-шөһрәт, кыюлык һәм батырлыкны гәүдәләндерүче бәйрәм. Ул барлык ир-атлар тантанасы, чөнки туган җиребезне саклау аларның бурычы. Бу көнне Ватанны үзләрен аямыйча басып алучылардан саклаучыларны, бүгенге тыныч вакытта да әлеге бурычларын үтәүне дәвам итүчеләрне данлау гадәткә кергән. Хөкүмәтебез елдан-ел әлеге бәйрәмнең патриотик ягына игътибарны арттыра. Һәйкәлләрне, мемориалларны чәчәкләргә күмү күркәм традициягә әйләнде.
    87
    0
    1
  • 16 февраля 2018 в 10:32
    ТРЕБУЕТСЯ - администратор-кассир 1/2. 1500, соц.пакет, вахта. Деревня Исаково.
  • 6 февраля 2018 в 15:35
    Ачкычлар табылды Столичная 2а йортының бишенче подъезды янында ачкыч табылды⚠
  • 1 ноября 2017 в 10:53
    БЕЗ СЕЗНЕ КӨТӘБЕЗ! Белдерүләрегезне 5-67-02 телефоны аша яки Гоголь ур, 23а йортына килеп калдыра аласыз.