Яшел Үзән

Яшел Үзән эзтабары белән очрашу

Сугыш... Бу сүзне ишеткәч тә тетрәнеп куясың. Быел Бөек Җиңүнең 69-еллыгын билгеләп үтәбез. Ә нинди юллар аша килде соң безнең илебезгә бу көн? Яшел Үзән шәһәренең 7 нче гомуми белем мәктәбе коллективында кунакта эзтабар һәм Жуков исемендәге музей җитәкчесе, чын мәгънәсендәге олы йөрәкле шәхес Садриев Әхәт Шәйхи улы булды. Әхәт...

Сугыш... Бу сүзне ишеткәч тә тетрәнеп куясың. Быел Бөек Җиңүнең 69-еллыгын билгеләп үтәбез. Ә нинди юллар аша килде соң безнең илебезгә бу көн?

Яшел Үзән шәһәренең 7 нче гомуми белем мәктәбе коллективында кунакта эзтабар һәм Жуков исемендәге музей җитәкчесе, чын мәгънәсендәге олы йөрәкле шәхес Садриев Әхәт Шәйхи улы булды.

Әхәт абый инде олы яшьтә булуына карамастан, файдалы һәм мактауга лаеклы хезмәтен дәвам итә. Үзенең укучылары белән, сугыш эзләре калган төрле илләргә йөреп, шушы аянычлы еллар истәлеген барлый.

Укучылар истәлекле материалларны үз куллары белән тотып карый алдылар. Пыяла су шешәсе, исемле кесә пәкесе, гади солдат киеп сугышкан күн итек табаны, хәтта немец халкы тарафыннан татар, рус, немец телләрендә язылган документлар һәм башка күп кенә истәлекле экспонатлар үткән еллар хатирәсен яңартты. Әхәт абый һәрберсенә аерым тукталып, аңлатып сөйләде. Укучылар бик зур игътибар белән тыңлап, әңгәмә барышында үзләрен кызыксындырган сорауларга җаваплар алдылар.

Безнең мәктәбебезнең яшь кадетлары күңелендә патриотик хис тәрбияләүдә бу очрашу бик зур өлеш кертте дип ышанасы килә. Чөнки хәзерге буынның күбесе сугышның нәрсә икәнлеген аңлап бетерми. Әлбәттә, китаплардан укып, фильмнар карап, күпмедер мәгълүмат алалар. Ләкин сугыш турында сөйләгәндә, ветераннарыбыз, бабайларыбыз күзләренә карауга ни җитә! Бу куркыныч көннәр, төннәр, сугыш китергән югалтулар, авырлыклар аларның күз яшьләре булып тама.

Онытмыйк, балалар! Илебезгә килгән азатлык, Бөек Җиңү бик зур бәягә ия!

Гөлшат Сабирова,

7нче мәктәпнең татар теле укытучысы

Нравится
Поделиться:
Реклама
Комментарии (0)
Реклама
  • 23 октября 2017 в 14:24
    Защити себя!
  • Сез үз тормышыгыз белән канәгатьме?
    Проголосовало 56 человек
  • Яшел Үзән пассажир автотранспорт предприятиясендә ничек бәйрәм иттеләр?
  • Авыр атлетлар кабат Яшел Үзәндә
  • Бакырчыда каз өмәсе
  • Яшел Үзән полициясе бәйрәм итте (ФОТОРЕПОРТАЖ)
  • Газовикларның риск зонасына васильеволылар да эләгә
  • Безнең кораблар Гарәп диңгезен иңли башлады
  • Маякта йозлэгэн казый жыелды. Нэрсэ булган???
  • МЕТЕОРда балалар өчен оештырылган ярыш
  • Юныс Сафиуллин белән очрашу кичәсе
  • 12 декабря 2017 в 14:51
    Прогресс – табигать законы
    Һәр яшел үзәнлене эш урынына һәм өйгә, поликлиника яки мәктәпкә, азык-төлек базарына, йә булмаса поездга вакытында алып барып җиткерү өчен иртә таңнан торып, төнгә кадәр эшләү – Яшел Үзән пассажир автотранспорты предприятиесе хезмәткәренең бурычы. Мактаулы юбилей көннәрендә, күңел бәйрәм сорый.
    75
    0
    1
  • 1 ноября 2017 в 10:53
    БЕЗ СЕЗНЕ КӨТӘБЕЗ! Белдерүләрегезне 5-67-02 телефоны аша яки Гоголь ур, 23а йортына килеп калдыра аласыз.