Яшел Үзән

Әй, яшьлегем

Әй, яшьлегем Их, яшьлегем, яшьлегем, Ник шулай тиз уздың икән? Шул турыда уйлап ятам, Уянгач һәр көн иртән. Матур яшьлек, юләр яшьлек, Кадерен ник белмәдем. Шулай бик тиз узар диеп, Уема китермәдем. Яшь чагым, юләр чагым, Кайда китеп югалдың? Ташлап китеп еракларга, Күңелемә сагыш салдың. Әй, яшьлегем, яшьлегем, Әйләнеп кайтсаң...

Әй, яшьлегем
Их, яшьлегем, яшьлегем,
Ник шулай тиз уздың икән?
Шул турыда уйлап ятам,
Уянгач һәр көн иртән.

Матур яшьлек, юләр яшьлек,
Кадерен ник белмәдем.
Шулай бик тиз узар диеп,
Уема китермәдем.

Яшь чагым, юләр чагым,
Кайда китеп югалдың?
Ташлап китеп еракларга,
Күңелемә сагыш салдың.

Әй, яшьлегем, яшьлегем,
Әйләнеп кайтсаң иде.
Яшьлектәге юләр мизгелләрне
Кабат яңартсаң иде.

Юк, кайтмый ул үткән яшьлек,
Калды шул ул еракта.
Тик шулай да төшләремә кереп,
Кайтам әле, диеп юата.

Туган авылым
Гөрләп үтте минем яшьлек
Чишмә дигән авылда.
Кайда гына яшәсәм дә,
Күңел ашкына шунда.

Авылым минем бигрәк матур
Тирә-якта урманнар.
Бакчаларда шаулап үсә
Чияләр һәм алмалар.

Бәрәңгеләр чәчәк аткач,
Авылым җәннәткә охшап кала.
Тау башындагы мәчете
Авылга ямь биреп тора.

Бервакытта истән чыкмый
Авылым минем хәтердә.
Бакалар да матур җырлый
Минем авылым күлендә.

Кайгы-хәсрәт тә кичерде
Минем туган авылым.
Чит илләрдә ятып калды
Бик күп авылдашларым.

Туган авылым, туган җирем,
Төшләремә бик еш керәсең.
Авылымнан читтә яшәгәннәр
Сине искә алып яшәсен.

Туган авылым, син көч бирдең
Авырлыклар булса, җиңеп чыгарга.
Кеше шунда бәхетле ул,
Туган җире, авылы булганда.

Иген игеп, уңышларга сөенеп,
Яшәсен халык анда.
Туган авылын хөрмәт итсен
Киләчәк буыннар да.
Хәмдия Саттарова.
Яшел Үзән

Теги: 250
Нравится
Поделиться:
Реклама
Комментарии (0)
Реклама
  • 23 октября 2017 - 14:24
    Защити себя!
  • Тормышыгызда нәрсәләрне үзгәртер идегез?
    Проголосовало 5 человек
  • Мин авылны сайлыйм!
  • «Ашыгырга ярамый, без бит балаларны йөртәбез!»
  • Яшел Үзәндә төрле милләт балалары татар телендә шигырьләр укыды
  • «Дуслар чабышы» Маяк спорт комплексында узды
  • Бакырчыда Мәүлид бәйрәме
  • Яшел Үзән пассажир автотранспорт предприятиясендә ничек бәйрәм иттеләр?
  • Авыр атлетлар кабат Яшел Үзәндә
  • Бакырчыда каз өмәсе
  • Яшел Үзән полициясе бәйрәм итте (ФОТОРЕПОРТАЖ)
  • Газовикларның риск зонасына васильеволылар да эләгә
  • 19 апреля 2018 - 13:52
    Сабан туе көннәре билгеле булды
    Быел, халыкның иң яраткан һәм бүгенге көнгә килеп җиткән иң борынгы йола-бәйрәмнәренең берсе булган Сабантуй, Рамазан ае тәмамлангач булачак.
    612
    0
    2
  • 20 марта 2018 - 15:31
    Игътибар! Түбән Урысбага авыл җирлегенә сәркатип кирәк.
  • 1 ноября 2017 - 10:53
    БЕЗ СЕЗНЕ КӨТӘБЕЗ! Белдерүләрегезне 5-67-02 телефоны аша яки Гоголь ур, 23а йортына килеп калдыра аласыз.
Ночной режим