Яшел Үзән

«Нур»да бар өметебез

Мамадыш-Әкил авылы җирлегендә яшәүче укучыбыз редакциягә сөт җыю мәсьәләсенә кагылышлы хат юллаган. «Шәхси хуҗалыкларда да кешеләр сыер җиленнән сөт чыгуга су куша башлыйлар, акча эшлиләр. Аны тапшырган вакытта анализ ясамыйлар микәнни соң», - дип борчылып яза ул. Башта ук хат авторы белән килешмәвебезне белдерәсе килә. Кеше сөткә су кушып тапшыра...

Мамадыш-Әкил авылы җирлегендә яшәүче укучыбыз редакциягә сөт җыю мәсьәләсенә кагылышлы хат юллаган. «Шәхси хуҗалыкларда да кешеләр сыер җиленнән сөт чыгуга су куша башлыйлар, акча эшлиләр. Аны тапшырган вакытта анализ ясамыйлар микәнни соң», - дип борчылып яза ул.
Башта ук хат авторы белән килешмәвебезне белдерәсе килә. Кеше сөткә су кушып тапшыра башласа, аны җыйган арадашчы шундук оттыра. Җыйган сөтен анализ ясап алалар бит аннан, су кушылган сөтнең майлылыгы ким була һәм, димәк, бәясе дә төшә. Кырын эшне чамалаган җыючы аннары бу авылга аяк та басмаячагы аңлашыла булыр.
Әмма, утсыз төтен булмый, дигән кебек, укучыбызның борчылуы да аңлашыла. Моның ише шик-шөбһәләргә бөтенләй урын калмаячагын җиткерәсе килә халыкка. Тиздән Норлатта шәхси хуҗалыклардан сөт җыючы предприятие эшли башлаячак. Аның сөткә анализ ясый торган җайланмалары була, һәркем үзенең нинди сөт тапшыруын белеп торачак. Сыер асраучы сыйфатлырак сөт тапшырырга омтылачак, шуңа карап бәяләнәчәк аның хезмәт җимеше. Бу предприятие турында без газетабызның 22 март санында язган идек инде. Аны оештыру эше Фәһим Хафиз улы Гариповка йөкләнелгән. Без аның белән телефон аша эшнең барышы турында белештек.
- Бүгенге көндә муниципаль унитар предприятиегә исем бирелде, ул «Нур» дип атала. Хәзер «Нур»ны юридик зат буларак теркәү эшләре бара. Иң мөһиме - бинабыз бар, эшләрне тиздән җайга салырбыз дип уйлыйм, - дип өметләндерде безне Фәһим Хафиз улы.
Әйе, ашыгырга кирәк. Яз җитте, берәр айдан маллар көтүгә чыгачак һәм, билгеле, сөт җитештерү бермә-бер артачак. Авыл кешесен сөендереп, аның әҗере дә күтәрелер, иншаллаһ. «Нур» дип аталган яңа предприятие моңа ышаныч тудыра.
Ильяс САЛИХҖАН

Нравится
Поделиться:
Реклама
Комментарии (0)
Реклама
  • 23 октября 2017 - 14:24
    Защити себя!
  • Тормышыгызда нәрсәләрне үзгәртер идегез?
    Проголосовало 5 человек
  • Мин авылны сайлыйм!
  • «Ашыгырга ярамый, без бит балаларны йөртәбез!»
  • Яшел Үзәндә төрле милләт балалары татар телендә шигырьләр укыды
  • «Дуслар чабышы» Маяк спорт комплексында узды
  • Бакырчыда Мәүлид бәйрәме
  • Яшел Үзән пассажир автотранспорт предприятиясендә ничек бәйрәм иттеләр?
  • Авыр атлетлар кабат Яшел Үзәндә
  • Бакырчыда каз өмәсе
  • Яшел Үзән полициясе бәйрәм итте (ФОТОРЕПОРТАЖ)
  • Газовикларның риск зонасына васильеволылар да эләгә
  • 19 апреля 2018 - 13:52
    Сабан туе көннәре билгеле булды
    Быел, халыкның иң яраткан һәм бүгенге көнгә килеп җиткән иң борынгы йола-бәйрәмнәренең берсе булган Сабантуй, Рамазан ае тәмамлангач булачак.
    689
    0
    2
  • 20 марта 2018 - 15:31
    Игътибар! Түбән Урысбага авыл җирлегенә сәркатип кирәк.
  • 1 ноября 2017 - 10:53
    БЕЗ СЕЗНЕ КӨТӘБЕЗ! Белдерүләрегезне 5-67-02 телефоны аша яки Гоголь ур, 23а йортына килеп калдыра аласыз.
Ночной режим