Яшел Үзән шәһәре 5 нче гимназиясенең математика укытучысы ТАЛИЯ ӘСӘДУЛЛА КЫЗЫ ГАЙНУЛЛИНАның бүген, 30 июльдә, 55 яшьлек юбилее

Хөрмәтле хезмәттәшебез һәм якын дустыбыз! Чын күңелдән олы бәйрәмең белән котлыйбыз. Нык сәламәтлек, җан тынычлыгы гомер юлыңда һәрчак озата барсын. Бәхет офыкларың киң булсын. Балаларыңның игелеген күреп, җылылыгын тоеп, оныклар үстереп, озын гомер итәргә насыйп булсын.
Талия Әсәдулловна – тирән белемле, искиткеч тырыш, кешелекле, гадел, ярдәмчел, гүзәл зат. Хезмәттәшләренең, укучыларның, ата – аналарның тирән ихтирамын казанган укытучы. Киләчәктә дә рәхәтләргә төренеп, кадер-хөрмәттә яшәгез.
Без сезне ихлас күңелдән ихтирам итәбез һәм яратабыз.

Нурлы еллар гына киләчәккә
Сезне мәңге озата барсыннар.
Сезнең өчен нәни шатлыклар да
Бәхет булып яфрак ярсыннар.

Иң изге теләкләр белән, Тәнзилә Нәҗипова, Сәрия Вәлиева.