Хөрмәтле җитәкчебез Гөлинә Рөстәмовна!

Сезне чын күңелебездән олуг юбилеегыз белән тәбрик итәбез!
Сезнең кул астыгыз да эшләп, без беркайчан да үзебезгә җил-яңгыр, яман сүзләр тиюен сизмибез. Чөнки әлеге каршылыклардан безне нәкъ менә Сез саклый киләсез.
Гимназия коллективы әле тагын бик күп еллар Сезнең терәгегезне тоеп, тынычлыкта, рәхәтлектә хезмәт итсә иде. Ару-талуны белмәгән, беркайчан да «уф» димәгән, көчле рухлы, сынмас характерлы булуыгыз күпләрдә сок лану һәм ак көнләшү уята. Сездәге энергия әйләнә-тирәдәгеләргә күчеп, башкаларны да көч җитмәс таулар күчерергә этәрә. Кирәк чакта кырыс та, таләпчән дә, ярдәмчел дә Сез! Рәхмәт Сезгә!
Сезгә нык сәламәтлек, гаилә тигезлеге телибез. Кадерле әни, дәү әни, яраткан хатын булып, озак еллар гомер кичерергә язсын! Кылган изгелекләрегез үзегезгә меңе белән әйләнеп кайтсын!

Сезне ихтирам итеп, Осиново гимназиясе коллективы.